Qazaqstandyq voleıbolshy qyzdar Azııa chempıonatynda jetinshi oryn aldy
ALMATY. 22 qazan. QazAqparat -Qytaıdyń Tszyıan qalasynda 12-20 qazan kúnderi 16 jasqa deıingi jasóspirim qyzdar arasynda ІH Azııa chempıonaty ótti.
Onda Oleg Mýrenko jattyqtyratyn el quramasy toptyq kezeńde «V» tobynda óner kórsetip taılandtyqtarǵa 0:3 bop utylyp, mońǵolııalyqtardy 3:1 esebimen utty. 1/8 fınalda qytaılyqtarǵa (0:3) ese jibergenimen, gonkongtyqtardan (3:2) basym tústi. Alaıda shırek fınalda taıpeılikterdiń (0:3) osal tusyn taba almaı, 5-8 oryn úshin talasta úndistandyqtarǵa 1:3 bop utylyp, gonkongtyqtardy dál osyndaı eseppen jeńdi. Sonyń nátıjesinde 7-oryndy qanaǵat tutqan qazaqstandyqtar buǵan deıin 2003, 2010 jyldary altynshy satydan kóringen bolatyn. Azııa chempıonatynyń jeńimpazy bolǵan Japonııa men kúmis jáne qola júldegeri atanǵan Qytaı, Taıpeı quramalary 2013 jyly Taılandta ótetin Álem chempıonatynyń joldamasyn ıelendi, al taılandyqtar oǵan alań qojaıyndary retinde qatyspaq.
