Qazaqstandyq voleıbolshy qyzdar Azııa chempıonatynda Vetnam quramasyn 3:0 esebimen utty
ALMATY. 17 qyrkúıek. QazAqparat - Keshe Taıland elindegi Nakhonratchasımada voleıboldan áıelder arasyndaǵy HVII Azııa chempıonatynyń 1/8 fınaldyq oıyndaryn Aleksandr Gýtor jattyqtyratyn Qazaqstan quramasy sátti bastady.
Olar vetnamdyqtardy 3:0 (25:21 25:23 25:22) esebimen utyp, shırek fınalǵa shyǵýǵa bir taban jaqyndady. Búgin endi toptyq synda «S» tobynda jeńimpaz atanǵan, ótken jylǵy Azııa chempıonatynyń kúmis júldegeri bolǵan Japonııa sportshylarymen kúsh synasady. Keshe japondyqtar jarys qojaıyndarynan 1:3 (15:25 23:25 25:23 28:30) esebimen jeńilis tapqan bolatyn. Jalpy bul dúbirli dodada toptyq synda Qazaqstan voleıbolshylary «A» tobynda óner kórsetip Taıland pen Avstralııa komandalaryn 3:1, Mońǵolııa quramasyn 3:0 esebimen utqan bolatyn. Sonyń nátıjesinde 9 upaımen Qazaqstan birinshi, 6 upaımen Taıland ekinshi oryn alǵan edi. Al olardyń 1/8 fınaldaǵy qarsylastarynan «S» tobynda Japonııa 9 upaımen birinshi, Vetnam 6 upaımen ekinshi orynǵa ıe bolǵan edi.
