Qazaqstandyq voleıbolshy qyzdar Azııa chempıonatynda 5-oryn úshin talasatyn boldy
ALMATY. 20 qyrkúıek. QazAqparat - Voleıboldan Taıland elindegi Nakhonratchasımada ótip jatqan áıelder arasyndaǵy HVII Azııa chempıonatynda 5-8-oryndar úshin ótip jatqan saıysta Qazaqstan quramasy búgin Iran sportshylaryn 3:1 esebimen utty.
Erteń endi 5-oryn úshin Taıbeı - Vetnam komandalary arasyndaǵy oıynnyń jeńimpazymen kezdesedi. Jalpy bul dúbirli dodada 1/8 fınalǵa deıin qarsylastatryn bet qaratpaǵan Aleksandr Gýtor jattyqtyratyn el quramasy bul synda vetnamdyqtardy 3:0 esebimen utqanymen, japondyqtarǵa 1:3 esebimen ese jibergen edi. Odan keıin shırek fınalda Ońtústik Koreıa sportshylarynan 0:3 esebimen jeńilis tapty. Sonyń nátıjesinde júldeli orynǵa talasý múmkindiginen aıyryldy. Degenmen, ótken jylǵy kórsetkishin jaqsartyp, alǵashqy 8-diktiń qataryna engen bolatyn. Endi úzdik bestiktiń arasynan oryn alýǵa múmkindik alyp otyr.
