Qazaqstandyq voleıbolshy qyzdar Álemdik Gran-prıdiń úshinshi kezeńinde Olımpıada oıyndarynyń úsh dúrkin jeńimpazyn utty
ALMATY. 19 tamyz. QazAqparat - Keshe Almatyda voleıboldan áıelder arasyndaǵy "K" tobyndaǵy komandalar arasynda HHІ Álemdik Gran-prı týrnıriniń úshinshi kezeńi aıaqtaldy.
Juma kúni bastalǵan bul saıysta Aleksandr Gýtor jattyqtyratyn qazaqstandyqtar nıderlandylyqtar men brazılııalyqtarǵa 0:3 esebimen oısyraı utylyp, kýbalyqtardy 3:1 esebimen utty. Olımpıada oıyndarynyń úsh dúrkin jeńimpazy sanalatyn kýbalyqtardan úsh upaı oljalaǵan qazaqstandyqtar Álemdik Gran-prı týrnıriniń alǵashqy eki kezeńinde birde-bir oıynda jeńiske jete almaǵan edi. Bul kezeńde úsh oıynda da qarsylastaryn oısyrata utqan brazılııalyqtar múmkin bolǵan eń joǵarǵy toǵyz upaıdy tolyq óz qorjynyna sala aldy. Al nıderlandylyqtar - 6, qazaqstandyqtar 3 upaı oljalasa, kýbalyqtardyń qorjyny bos qaıtty.
