Qazaqstandyq voleıbolshy qyzdar Álemdik Gran-prıdiń úshinshi kezeńin sátsiz bastady
ALMATY. 16 tamyz. QazAqparat - Búgin Almatyda voleıboldan áıelder arasyndaǵy "K" tobyndaǵy komandalar arasynda HHІ Álemdik Gran-prı týrnıriniń úshinshi týry bastaldy.
Brazılııa men Kýba voleıbolshylarynyń oıynymen bastalǵan bul saıys 3:0 esebimen aıaqtaldy. Odan keıin Qazaqstan men Nıderlandy sportshylary arasyndaǵy ekinshi oıynda esep kerisinshe 0:3 bop aıaqtaldy. Aleksandr Gýtor jattyqtyratyn alań qojaıyndary erteń kýbalyqtarmen, al brazılııalyqtar nıderlandyqtarmen kúsh synasady. Úshinshi týrdyń aqtyq oıyndary jeksenbi kúni ótedi. Onda Kýba men Nıderlandy, Qazaqstan men Brazılııa quramalary kezdesetin bolady.
Halyqaralyq voleıbol federatsııasy (FIVB)reıtınginde qazir Brazılııa - 2-shi, Kýba - 13-shi,Nıderlandy - 20-shy, Qazaqstan - 30-shy orynda tur. Sondaı-aq qazaqstandyqtardyń ózge qarsylastaryna qaraǵanda Álem chempıonaty men Olımpıada oıyndary sııaqty iri dodalardaǵy kórsetkishi tómen. Máselen, Olımpıada oıyndarynda kýbalyqtar - úsh ret, brazılııalyqtar - eki chempıon atansa, nıderlandylyqtar komandasy 1996 jyly úzdik bestikke endi. Al qazaqstandyqtardyń eń joǵarǵy kórsetkishi 2008 jyly Beıjińde qol jetkizgen toǵyzynshy oryn bolyp otyr.
