Qazaqstandyq voleıbolshy qyzdar Álemdik Gran-prı týrnıriniń 1-inshi týrynda súrinýden kóz ashpady
ALMATY. 5 tamyz. QazAqparat - Italııanyń Montıkıarı qalasynda «E» tobyndaǵy komandalar arasynda 2-4 tamyz kúnderi voleıboldan áıelder arasynda HHІ Álemdik Gran-prı týrnıriniń birinshi týry ótti.
Aleksandr Gýtor jattyqtyratyn qazaqstandyqtar Germanııaǵa 1:3, Italııaǵa 0:3, Argentınaǵa 2:3 esebimen utyldy. Bul topta 3 oıynda 9 upaı oljalaǵan ıtalıandyqtar úzdik shyqty. Odan keıingi oryndarǵa qorjyndarynda 4 upaıy bar Germanııa men Argentına quramalary ornalassa, 1 upaımen Qazaqstan voleıbolshylary sońǵy orynǵa taban tiredi. Qazir olar Álemdik Gran-prı dodasynda baq synap jatqan 20 komandanyń arasynda Polsha quramasymen birdeı upaı jınap 16-17 oryndardy bólisýde.
Endi ekinshi týr oıyndary 9-11 tamyzda Polshanyń Plotsk qalasynda bolady. Onda qazaqstandyqtar «H» tobynda baq synap, alǵashqy oıynyn jarys qojaıyndarymen ótkizedi. Odan keıin Japonııa men Germanııa voleıbolshylarymen kúsh synasady. Al úshinshi týr 16-18 tamyzda Almatyda jalǵasady. Bul synda «K» tobynda óner kórsetetin olardyń qarsylasy Nıderlandy, Kýba jáne Brazılııa sportshylary bolmaq.
