Qazaqstandyq voleıbolshy qyz Qytaıdyń áleýmettik jelilerinde tanymaldylyqqa ıe boldy (FOTO)
BEIJІŃ. QazAqparat - 17 jastaǵy qazaqstandyq voleıbolshy qyz Sábına Altynbaeva Qytaıdyń áleýmettik jelileriniń paıdalanýshylardyń arasynda zor tanymaldylyqqa ıe boldy, dep habarlady jergilikti BAQ.
Nebári bir-aq kúnde Instagram-da Sábına Altynbaevanyń folloverleriniń sany 2000-nan asyp ketken. Qazirgi ýaqytta olardyń sany 80 myńǵa jýyqtap qaldy.
Qytaılyq «Fenıks» saıty jazǵandaı, Qazaqstan áıelder voleıbol komandasynyń 20-shy nómirli oıynshysy Sábına Altynbaevanyń fotosýretteri Qytaıdyń áleýmettik jelilerin jaýlap aldy. Qazaqstandyq sportshy qyzdyń boıy - 182 sm. Sábına Altynbaeva Aqtóbe qalasynda sportpen shuǵyldanatyn otbasynda dúnıege kelgen. Úsh jyldan beri voleıbol oınap júr. 2012 jyly Qytaıdyń Tszyıan qalasynda áıelder arasynda ótken voleıbol boıynsha IX Azııa jasóspirimderi chempıonatyna qatysqan.
