Qazaqstandyq voleıbol klýby Azııa chempıony atandy
NUR-SULTAN. QazAqparat – Taılandtyń Nakhonratchasıma qalasynda áıelder arasyndaǵy voleıboldan klýbtyq Azııa chempıonatynda qazaqstandyq Altaı klýby chempıon boldy, dep habarlaıdy QazAqparat Fedaratsııaǵa silteme jasap.
Taılandta 1 qazan kúni áıelder voleıbol klýbtary arasynda Azııa Chempıonaty bastalǵan edi. Bul týrnırge Qazaqstan atynan shyǵysqazaqstandyq «Altaı» jáne taldyqorǵandyq «Jetisý» klýbtary qatysty. Odan bólek, birinshilikke bes komanda qatysty. Olardyń ishinde fıllıpındik «PVL» men «Rebısko», ırandyq «Saıpa», taılyq «Sýprım Chonbýrı» men týrnır ıeleri «Nahon Ratchasıma Qmin C» klýbtary boldy.
Birinshi oıyn kúni Qazaqstannyń qazirgi chempıony «Altaı» voleıbol klýby fıllıpındik «Rebısko» komandasymen oınady. Oıyn úsh setke sozyldy, nátıjesinde 3:0 upaımen shyǵysqazaqstandyq komanda alǵa shyqty. Ekinshi kúni «Altaı» oıynshylary dál sondaı nátıjemen ırandyq «Saıp» komandasyn oısyrata jeńdi.Fınaldyq kezeńde qazaqstandyq Altaı voleıbol klýby aqtyq synda jarys qojaıyndary Nakhonratchasıma voleıbol klýbyn 3-0 esebimen jeńip, chempıon atandy.
