Qazaqstandyq velotrekshi álem kýbogy kezeńinde TOP-5 endi
ASTANA. QazAqparat - Velotrekten Qazaqstan quramasynyń kóshbasshysy Artem Zaharov Berlınde ótip jatqan álem kýbogi kezeńinde alǵashqy bestikten kórindi, dep habarlaıdy QazAqparat Olympic.kz saıtyna silteme jasap.
Zaharov «omnıým» dıstsıplınasynda baq synaǵan bolatyn. Ol on aınalymnan soń barlyǵy 99 upaı jınap, besinshi orynǵa qol jetkizdi.
Atalǵan synda avstralııalyq Sem Ýelsford 128 upaımen jeńiske jetti. Ekinshi orynda - ıspanııalyq Albert Torres (118 upaı), úshinshi orynda - Nıderlandy sportshysy Vıllem van Shıp.
Aıta keteıik, Artem Zaharov Azıady-2018-de eki márte qola medal ıelengen bolatyn.
