Qazaqstandyq velosportshylar týrnırlerge qatysýdan bas tartty
NUR-SULTAN. QazAqparat - «Astana» velokomandasy álemde koronavırýstyń taralýyna baılanysty aldaǵy 15 kúnde ótetin jarystarǵa qatysýdan bas tartty, dep habarlaıdy QazAqparat.
QR Ulttyq Olımpıadalyq komıtetiniń málimetine sáıkes, komanda músheleri búginnen bastap 20 naýryzǵa deıingi týrnırlerge qatyspaıdy. Komanda menedjmenti men dárigerler birlese otyryp osyndaı sheshim qabyldaǵan.
«Bul qadam arqyly velosportshylar men komanda qyzmetkerleriniń densaýlyǵyn saqtaýdy kózdeımiz. Koronavırýstyń álem boıynsha qarqyn alǵany bizdi alańdatyp otyr. Árıne, biz barlyq jarysqa qatysýdy kózdegenbiz. Biraq biz úshin sportshylardyń densaýlyǵy mańyzdy. Alda óte mańyzdy iri jarystar tur. Bul óte qıyn sheshim, degenmen, óz sportshylarymyzdy qorǵaýymyz qajet», - deıdi bas menedjer Aleksandr Vınokýrov.
Solaısha, «Astana» komandasy «Strade Bıanke», «Parıj – Nıtstsa» jáne «Tırreno – Adrıatıko» týrnırlerine qatyspaıtyn boldy.
QR Ulttyq Olımpıadalyq komıteti otandyq sportshylardy koronavırýstan saqtandyrý úshin ahýaldyq shtab quryp, jarys kestelerin qaıta qarap jatqanyn buǵan deıin habarlaǵan bolatynbyz.
