Qazaqstandyq velosportshylar Rıo Olımpıadasyna eki lıtsenzııa utyp aldy
ASTANA. QazAqparat - Qazaqstan shosse velosportynda Rıo de-Jaınerodaǵy Olımpıada oıyndaryna eki lıtsenzııa utty, dep habarlady Sports.kz.
Bul týraly Velosıpedshilerdiń halyqaralyq odaǵy (UCI) shosse velosportyndaǵy jarystarǵa iriktelgen Ulttyq olımpıada komıtetteriniń tizimin, sonymen qatar oǵan joldama alatyn sportshylar sanyna arnalǵan kvotalardy jarııalaǵan soń belgili boldy.
Olımpıadalyq irikteý júıesine sáıkes, Qazaqstan «Azııa Týrde» 602 upaı jınap 2-orynǵa ıe boldy. Bul toptyq jarysqa eki adamǵa jáne jeke jarysta bir adamǵa kvota quqyǵyn beredi.
Toptyq jarysqa barlyǵy 144 sportshy qatysa alady. Olımpıada trassasynda jeke synǵa 40 sportshy shyǵady.
