Qazaqstandyq velosportshy halyqaralyq jarystyń júldegeri atandy
NUR-SULTAN. QazAqparat – Maýntınbaıktan Qazaqsan quramasynyń ókili Denıs Sergıenko Túrkııadaǵy Dell Lago dodasynda úshinshi oryn aldy, dep habarlaıdy QazAqparat Ulttyq Olımpıada komıtetine silteme jasap.
Túrkııada álemniń myqty velosportshylary jınalǵan Dell Lago jarysy márege jetti. Baıraqty básekege qatysqan qazaqstandyq sportshy Denıs Sergıenko júldegerler qatarynan kórindi.
«Márege birinshi bolyp frantsııalyq Baptıst Trýnşchka jetti. Onyń komandalasy Ýgo Veıss Denıs Sergıenkodan bir mınýt erte kelip, ekinshi orynǵa jaıǵasty. Al qazaqstandyq Shakım Adılov tórtinshi, Temirlan Muhamedıanov máre syzyǵyn altynshy bolyp kesip ótti», delingen QR Ulttyq Olımpıada komıtetiniń habarlamasynda.
Aıta keteıik, maýntınbaık – halyqaralyq sport jarystary sanatyna sońǵy jyldary qosylǵan velosporttyń bir túri. Munda velosıpedshi taý-tastardyń arasynda júrip, máre syzyǵyna deıin túrli kedergilerden ótedi. Bul sport túri el ishinde «taý velosıpedi» atalyp ketken.
