Qazaqstandyq veloshabandozdar "Tour de l'Abitibi" kópkúndiginde negizgi jiktelimde kósh bastap keledi
ALMATY. 21 shilde. QazAqparat /Erlik Erjanuly/ - Kanadanyń Kvebek qalasynda velosporttan 17-18 jastaǵy sportshylar arasynda "Tour de l'Abitibi" kópkúndigi ótip jatyr.
Shildeniń 19-y kúni jalaýy kóterilgen bul dúbirli dodanyń 112,8 shaqyrymdyq alǵashqy kezeńinde Roman Semenov pen Vıtalıı Marıýhın 3-4 oryn aldy. Al Tilegen Maıdos 8-shi, Kırıll Prolýbnıkov 55-shi, Vıktor Oshıshev 101-shi, Imýr Kazantsev 111-shi bop máre syzyǵyn kesip ótti. Osyǵan qaramastan, negizgi jiktelimde 7:25:35 ýaqyt kórsetkishimen qazaqstandyqtar kósh bastap kele jatyr. Olardy 00:07sekýnd ýaqyt aırymashylyǵymen Jańa Zelandııa sportshylary ókshelep keledi. Bul jarys jeksenbi kúni óz máresine jetedi.
