Qazaqstandyq veloshabandoz Italııadaǵy velokópkúndikte úshinshi oryn aldy
NUR-SULTAN. QazAqparat - Qazaqstandyq veloshabandoz Vadım Pronskıı Italııada ótken «Adrıatıka-Ionıka» kópkúndiginde úshinshi oryn aldy, dep habarlaıdy QazAqparat Astana Qazaqstan Team komandasynyń baspasóz qyzmetine silteme jasap.
Vadım Pronskıı máresi Monte-Grappa shyńyna belgilengen jarystyń taýdaǵy kezeńinde úshinshi oryn alyp, jalpy esepte júldeli orynnan kórindi.
Qazaqstandyq sportshy ıtalııalyq «Adrıatıka-Ionıka» velokópkúndiginiń aqtyq kezeńinde ekinshi jyl qatarynan úzdik úshtikke enip otyr.
Astana Qazaqstan Team komandasy jarystyń sońǵy eki kezeńinde jeńis úshin bar kúshin saldy. Keshe Antonıo Nıbalı aldyńǵy toptan qara úzbeı, altynshy bolyp keldi. Búgin Manýele Boaro jeńis úshin kúresti jalǵastyryp, tórtinshi bolyp máre syzyǵyn kesti.
Vadım Pronskıı Astana Qazaqstan Team komandasynyń qoldaýymen aqtyq kezeńde nátıjeni óz paıdasyna sheshý úshin jarystyń sońǵy úsh kezeńinde únemi shabýyldaýmen boldy. Alaıda úzdikterden ozý múmkin bolmady jáne qorytyndy esep ózgerissiz qaldy: ıtalııalyq Fılıppo Zana jarys jeńimpazy boldy, Natnael Tesfatsıon ekinshi keldi, al Vadım Pronskıı úzdik úshtikti túıindedi.
