Qazaqstandyq veloshabandoz «Djıro d'Italııa» vırtýaldy jarysynyń jeńimpazy boldy
NUR-SULTAN. QazAqparat – Velosporttan Qazaqstan chempıony Alekseı Lýtsenko «Djıro d'Italııa» vırtýaldy jarysy birinshi kezeńiniń jeńimpazy atandy, dep habarlaıdy QazAqparat QR Ulttyq olımpıada komıtetine silteme jasap.
Vırtýaldy jarys bıylǵy velokópkúndiktiń 10-shy kezeńiniń fınalyn qamtydy. Jarysqa qatysýshylar 32.1 shaqyrymdy velosıpedpen eńserdi. Lýtsenko bárinen basym tústi. Ol máre syzyǵyn 44 mınýt 41 sekýndta kesip ótti.
Ekinshi oryndy Italııa quramasynyń ókili Elıa Vıvıanı aldy. Alǵashqy úshtikti «Pro Team Astana» komandasynyń taǵy bir ókili Davıde Martınellı tuıyqtady.
Eske salaıyq, 18 sáýirden 10 mamyrǵa deıin ótetin saıys aıasynda velojarystyń jeti kezeńi bolady.
