Qazaqstandyq veloshabandoz Azııa chempıonatynda kúmis júldeger atandy
ASTANA. QazAqparat - Malaızııanyń Nılaı qalasynda ótip jatqan velotrekten Azııa chempıonatynda qazaqstandyq Ramıs Dinmuhamedov kúmis júldeger atandy. dep habarlaıdy QazAqparat tilshisi.
Qazaqstandyq veloshabandoz iz kesý jarysynda máre syzyǵyn ekinshi bolyp qıdy. Bas júlde 2014 jylǵy Azııa oıyndarynyń chempıony atanǵan japonııalyq Eııa Hasımotoǵa buıyrdy. Qola júldeni gonkongtyq Lıan Chýn Vın ıelendi.
Bul - qurlyqtyq dodada el quramasy qorjynyna túsken 2-medal.
Aıta ketsek, budan buryn el quramasy komandalyq jarysta qola júldege qol jetkizdi. Jarys jolyna el quramasynan Əlisher Jumahan, Artem Zaharov, Dmıtrıı Noskov pen Ramıs Dinmuhamedov shyqty. Olar 4 shaqyrymdy 4:00.4 sekýndta júrip ótti.
Bıyl qurlyqtyq dodaǵa Azııa qurlyǵynyń 30 elinen úzdikter jınaldy. Olardyń arasynda 14 qazaqstandyq veloshabandoz el namysyn qorǵaıdy.
Malaızııadaǵy jarysta 2024 jylǵy Parıj Olımpıadasy joldama alýǵa múmkindik beretin upaılar úlestiriledi.
Eske salsaq, budan buryn shossedegi velosporttan Taılandtyń Raıgon qalasynda ótken Azııa chempıonatynda elimizdiń erler quramasy Parıj Olımpıadasynyń lıtsenzııasyn jeńip aldy.
