Qazaqstandyq veloshabandoz Arman Qamyshev «Týr de l'Avenır» jarysynyń birinshi kezeńinde máre syzyǵyn 8-inshi bop kesip ótti
ALMATY. 28 tamyz. QazAqparat - Velosporttan tamyzdyń 26-sy kúni Frantsııada anderler arasynda bastalǵan «Týr de l'Avenır» kópkúndiginiń keshe 172 shaqyrymdyq alǵashqy kezeńi ótti.
Onda Qazaqstan quramasynan Arman Qamyshev 8-inshi, Alekseı Lýtsenko 25-inshi, Danııl Fomınyh 28-inshi, Nıkıta Ómirbekov 40-ynshy, Vladıslav Gorbýnov 43-inshi, Ábdiraıymjan Ishanov 105-inshi oryn aldy. Buǵan deıin 3,7 shaqyrymdyq kirispe synda Alekseı 15-inshi, Arman 23-inshi, Danııl 50-inshi, Nıkıta 63-inshi, Vladıslav 78-inshi, Ábdiraıymjan 96-ynshy satydan kóringen bolatyn.
Búgin endi 140 shaqyrymdyq ekinshi kezeń ótedi. Jalpy 6 kezeńnen turatyn bul baıraqty báseke 1 qyrkúıek kúni aıaqtalady.
1961 jyldan beri ótip kele jatqan bul jarys qazirgi ataýyn 1992 jyly ıelengen bolatyn. Oǵan buǵan deıingi jarystarda jınaǵan upaı sany boıynsha eń úzdik 20 komanda ǵana qatysa alady. Onda bıyl Qazaqstannan bólek, Belgııa, Frantsııa, Germanııa, Avstralııa, Nıderlandy, Norvegııa, Italııa, Slovenııa sııaqty elderdiń sportshylary óz baǵyn synaýda.
