Qazaqstandyq veloshabandoz Andreı Kashechkın «Týr de Frans» týrnırine qatysa almaı qaldy

Esterińizge sala keteıik, týrnır keshe, shildeniń 2-sinde frantsýzdyq Vendee qalasynda bastaldy.

Kóptegen jankúıerler onyń týrnırge qatysýyn asyǵa kútkenin eskere otyryp, A.Kashechkınniń fan-klýbynyń jetekshisi Fılıpp Amato óz saıtynda qazaqstandyq veloshabandozban alǵan suhbatty jarııalady. Sportshy óz suhbatynda oryn alyp otyrǵan jaǵdaıǵa túsindirme berip ótti.

- Andreı, «Týr de Frans» týrnırine qatysa almaı qalǵanyńyzdy qalaı túsindiresiz?

- Bul men úshin ókinishti jaıt. «Týr de Frans» meniń bul maýsymdaǵy maqsatym bolatyn jáne meniń komandamen jasaǵan kelisimshartym da osy velojarysqa qatysý múmkindigimen baılanysty edi.

- Daıyndyǵyńyz qalaı edi?

- Komandaǵa nege qospaı qoıǵanyn túsine almaı otyrmyn, sebebi meniń daıyndyǵym óte jaqsy. Barlyq medıtsınalyq testilerden óttim. Komanda basshylyǵy meniń densaýlyǵymnyń jaqsy ekendigi jaıynan habarlar, soǵan qaramastan meni «Týr de Fransqa» qatysatyn komandanyń quramyna qospady.

- Daıyndyǵym jaqsy dep otyrsyz, bıyl «Týr de Frans»-ta qandaı oryn alamyn dep oılap edińiz?

- Boljam jasaý ońaı is emes, biraq tájirıbemdi eskersem, úzdik ondyqqa kire alar edim dep oılaımyn.

- «Lampre» basshylyǵy Sizdi komanda quramyna nelikten qospaǵanyn qalaı túsindirip otyr?

- Bul saýalǵa meniń jaýabym joq. Múmkin, bul ıtalıandyq komanda bolǵandyqtan jáne onyń maqsaty - qazaqstandyq sportshyǵa emes, óz kóshbasshylaryna nazar aýdarý bolǵandyqtan shyǵar.