Qazaqstandyq veloshabandoz A.Kashechkın «Astanaǵa» oralǵysy keledi
BRıÝSSELЬ. 12 shilde. QazAqparat /Dımash Syzdyqov/ - «Týr de Frans» týrnıriniń 9-shy kezeńinde «Pro Team Astana» komandasynyń veloshabandozy Aleksandr Vınokýrov jarys jolynda qulap qalyp,
jambas súıegin syndyryp alǵannan keıin, qazaqstandyq tanymal veloshabandoz Andreı Kashechkın «Astana» komandasynyń qataryna oralyp, óz mansabyn jalǵastyrýǵa nıet bildirdi. Andreı qazir ıtalıandyq «Lampre» komandasynyń atynan óner kórsetip júr.
A.Kashechkın «Astanaǵa» oralý týraly nıetin óziniń fan-klýbynyń saıtynda jarııalaǵan. Buryn «Astana» velokomandasynyń qatarynda óner kórsetken A.Kashechkın jaraqat alyp qalǵan A.Vınokýrovqa óziniń qoldaýyn jetkizip, tezirek jazylýyna tilek bildirdi.
QazAqparat buǵan deıin habarlaǵandaı, A.Vınokýrov Týr de Franstyń 9-shy kezeńinde qulap qalyp, jambas súıegin syndyryp alǵan bolatyn. Komanda kóshbasshysynyń jarys jolynan shyǵyp qalýy jalpykomandalyq esepke áserin tıgizetini sózsiz. A. Vınokýrov jalpy esepte 11-shi bolyp jáne kóshbasshy Team Garmin-Cervelo komandasynyń ókili norveg Tor Hýshovdqa nebári 32 sekýnd ese jiberip kele jatqan. «Astana» komandasynda A.Vınokýrovtan keıingi úzdik kórsetkish frantsýz Remı Dı Grıgorıoniki, biraq ol norvegten 13 mınýt 51 sekýndqa qalyp, 69-shy orynda kele jatyr, sondyqtan da odan úlken úmit kútýge negiz joq.
