Qazaqstandyq vaterpolshylar jasóspirimder arasyndaǵy álem chempıonatynda Meksıkany jeńdi
ASTANA. QazAqparat - Almatyda 20 jasqa deıingi jasóspirimder arasynda ótip jatqan sý polosy boıynsha álem chempıonatynda Qazaqstan quramasy Meksıkany 18:11 esebimen jeńdi. Endi jerlesterimiz mysyrlyq vaterpolshylarmen kezdesedi, dep jazdy sports.kz.
Jetinshi oıyn kúni tartysty ótti. Birinshiden segizinshi orynǵa deıingi saısta Horvatııa quramasy grekterden 14:15 esebimen utyldy. Vengrııalyqtar Chernogorııa vaterpolshylarynan basym tústi (15:12), al serbııalyqtar ıspanııalyqtardy jeńdi. Esep - 15:11.
Qazaqstan quramasy úzdiń ondyqqa kirý úshin arpalysty. Nemanıa Knejevıch komandasynyń qarsylasy Meksıka boldy. Bul oıynda qazaqstandyqtar ózderiniń myqty ekenin kórsetti. Esep - 18:11. Jetinshi oıyn kúniniń nátıjeleri: Ózbekstan -Japonııa 6:20 Kanada -Qytaı 14:13 Mysyr -Nıderlandy 15:11 Horvatııa -Grekııa 12:13 Vengrııa -Chernogorııa 15:12 Serbııa -Ispanııa 15:11 Qazaqstan - Meksıka 18:11
