Qazaqstandyq vaterpolshylar Álem Kýbogynda 6 -shy orynda ıelendi
ALMATY. QazAqparat- Jańa ǵana sý dobynan Qazaqstannyń erler arasyndaǵy ulttyq qurama komandasy Álem Kýbogynyń sońǵy kúni Avstralııa qurama komandasymen kezdesip 6:12 esebimen jeńilis tapty.
Osylaısha, Almatynyń Ortalyq júzý basseıninde sý doby boıynsha ótip jatqan Álem Kýbogynda Qazaqstan ulttyq qurama komandasy sońǵy oıynyn jeńilispen aıaqtap, 6-shy orynǵa turaqtady.
Buǵan deıin Sergeı Drozdovtyń shákirtteri Chernogorııa komandasyn 9:8 esebimen jeńgen bolatyn. Kýbok aıasyndaǵy bul jalǵyz jeńis Qazaqstandyqtarǵa aldaǵy jyly Reseıde ótetin Álem birinshiligine qatysýǵa múmkindik beredi.
Al búgingi oıynda otandastarymyz tek alǵashqy kezeńde ǵana azýly qarsylastarymen teń dárejede oınady. Esep 1:1. Buǵan deıin Chernogorııamen bolǵan oıynǵa kóp kúsh jumsaǵandyqtan ba, ekinshi kezeńde qazaqstandyq vaterpolshylardyń sharshaǵandyǵy baıqaldy. Qorǵaýshylardyń jıi jibergen qatelikterin utymdy paıdalanǵan avstralııalyqtar bul kezeńde aıqyn basymdyqpen jeńdi. Esep 2:5. Kelesi eki kezeńde de oıyn sıpaty ózgere qoıǵan joq. Jasyl qurlyqtyń ókilderi qatelikterge boı aldyrmaı, senimdi túrde oınady. Úshinshi kezeń 2:4, tórtinshi kezeń 1:2. Qorytyndy esep 6:12.
Buǵan deıin de Avstralııa qurama komandasy osy Álem Kýbogy aıasynda qazaqstandyqtarmen kezdesip, 11:8 esebimen jeńip ketken bolatyn. Odan basqa, qazaqstandyqtar Vengrııa komandasynan 9: 5, Horvatııa komandasynan 7:14 jáne Serbııa quramasynan 10:16 esebimen jeńilgen-di.
Búgin Álem Kýbogynyń sońǵy kúni. Birneshe mınýttan keıin Serbııa men Vengrııa qurama komandasy Álem Kýbogyn sarapqa salady.
