Qazaqstandyq vaterpolshylar álem chempıonatyndaǵy alǵashqy jeńisine qol jetkizdi
NUR-SULTAN. QazAqparat - Kvandjýda sý sporty túrlerinen ótip jatqan álem chempıonaty jalǵasýda. Sý dobynan erler arasyndaǵy synda Qazaqstan komandasy alǵash ret jeńiske jetti, dep habarlaıdy Olympic.kz.
Qazaqstandyqtar Ońtústik Koreıamen kezdesip, 17:4 (4:1, 4:2, 7:0, 2:1) esebimen basym tústi. Bul - Shvedov shákirtteriniń Kvandjýdaǵy alǵashqy jeńisi. Buǵan deıin bizdiń komanda Horvatııa, Avstralııa jáne AQSh-qa ese jibergen bolatyn.
Kelesi kezdesý Qazaqstan men Brazılııa arasynda ótedi. Eki komanda 13-orynǵa talasady.
Match 23 shildege josparlanǵan.
