Qazaqstandyq vaterpolshylar álem chempıonatynda Kanada quramasyn jeńdi
ASTANA. QazAqparat - Qazaqstandyq vaterpolshylar álem chempıonatynda Kanadanyń qurama komandasyn jeńdi, dep habarlaıdy QR sý sporty túrleriniń federatsııasy.
Býdapeshtte FINA álem chempıonaty jalǵasyp jatyr. Sýdaǵy polo boıynsha QR erler komandasy ekinshi týrdyń toptyq kezeńinde 10:9 esebimen, oıynnyń sońǵy shıreginde qarsylastarynyń qaqpasyna úsh gol soǵyp, Kanada quramasyn jeńdi.
Erler.
Sýdaǵy polo. A toby.
Qazaqstan-Kanada -10:9 (2:2; 3:3; 2:3; 3:1).
Endi qazaqstandyqtar Chernogorııa komandasymen kezdesedi. Oıyn 21 shilde kúni ótedi.
Sonymen qatar, Balaton kólinde ashyq sýdaǵy júzý boıynsha 5 km qashyqtyqqa júzý jarysy ótip, onda Ksenııa Romanchýk pen Nına Rahımova 30 (1:02:00.30, +02:53.30) jáne 54 (1:09:28.70, +10:21.70) esebimen máreden ótti.
Búgin, 20 shilde kúni Ekaterına jáne Aleksandra Nemıchterdiń qatysýymen mánerlep júzýden erikti baǵdarlamanyń aqtyq kezeńi bolady. Bir kún buryn qyzdar on eki álemdik birinshilik kóshbasshylaryn artqa tastap, fınalǵa ótken bolatyn.
Ashyq sýda júzý kezeńi 5 km qashyqtyqqa komandalyq estafeta túrinde ótip, oǵan Vıtalıı Hýdıakov, Lev Cherepanov, Nına Rahımova jáne Ksenııa Romanchýk qatysady. Bul qashyqtyqtaǵy ashyq sýda júzý boıynsha jaqsy kórsetkish ázirge Vıtalıı Hýdıakovtyń enshisinde - 54:48.10 kórsetkishimen 9 oryn.
Budan ózge, vaterpolshy áıelder komandasy Reseı qurama komandasymen oınaıdy.
