Qazaqstandyq vaterpolshylar álem chempıonatynda alǵashqy jeńiske qol jetkizdi
ASTANA. 25 shilde. QazAqparat - Sý polosy boıynsha Qazaqstannyń erler quramasy Barselonada jalaýy kóterilgen sý sportynyń túrlerinen álem chempıonatynda alǵashqy jeńiske qol jetkizdi.
Bul týraly Vesti.kz jazdy.
Qazaqstandyq vaterpolshylar ekinshi oıynda Rýmynııa quramasymen baq synasty. Kezdesý nátıjesinde olar áriptesterinen 7:4 esebimen basym tústi. Oıynnyń alǵashqy bóligi 1:0, ekinshisi 2:2 esebimen aıaqtalǵan bolatyn. Úshinshisinde 4:1 esebimen jerlesterimiz top jarsa, sońǵysy 1:0 esebimen rýmyndyqtardyń paıdasyna sheshildi.
Aıta keteıik, alǵashqy týrda elimizdiń quramasy 8:9 esebimen nemis vaterpolshylarynan jeńilgen edi.
