Qazaqstandyq vaktsınanyń ımmýnıtetti saqtaý kórsetkishi ózgerýi múmkin
NUR-SULTAN. QazAqparat - Qazaqstandyq vaktsınanyń birinshi fazadan keıin ımmýnıtetti saqtaý kórsetkishi 100% bolsa, ekinshi fazadan keıin 96% boldy. Bul týraly Ortalyq kommýnıkatsııalar qyzmetinde ótken «Qazcovid-in qazaqstandyq vaktsınasy týraly» brıfıngide aıtyldy, dep habarlaıdy qazAqparat tilshisi.
«Qazaqstandyq Qazcovid-in vaktsınasynyń áser etýi 96% degen aqparat qanshalyqty ras?», - degen tilshi suraǵyna Bıologııalyq qaýipsizdik problemalary ǵylymı-zertteý ınstıtýtynyń bas dırektory Kúnsulý Zakarıa jaýap berdi.
«Biz birinshi jáne ekinshi klınıkalyq zertteýlerdiń nátıjesin saraptamadan ótkizip, búkil kórsetkishterdi qarastyrǵan kezde vaktsınamyzdyń ımmýnıtet saqtaý kórsetkishi 96%-ǵa saı boldy. Myna jaǵdaıdy eskerý kerek: birinshi fazadan keıin ımmýnıtetti saqtaý kórsetkishi 100% bolsa, ekinshi fazadan keıin 96% bolsa, adam sany neǵurlym kóp bolǵan saıyn onyń kórsetkishi soǵurlym tómendeýi múmkin. Úshinshi fazanyń aıaǵynda bul kórsetkish ózgerýi múmkin», - dedi ol.
