Qazaqstandyq vaktsına qaı jerde óndirilip jatyr
NUR-SULTAN. QazAqparat - Ortalyq kommýnıkatsııalar qyzmetinde ótken «Qazcovid-in qazaqstandyq vaktsınasy týraly» brıfıngide Bıologııalyq qaýipsizdik problemalary ǵylymı-zertteý ınstıtýtynyń bas dırektory Kúnsulý Zakarıa qazaqstandyq vaktsına qazir qaı jerde óndirilip jatqanyn aıtty, dep habarlaıdy QazAqparat tilshisi.
«QazCovid-in vaktsınasy qazirgi ýaqytta Bıologııalyq qaýipsizdik problemalary ǵylymı-zertteý ınstıtýtynda óndirilip jatyr. Vaktsına óndiretin qurylǵyny QR Bilim jáne ǵylym mınıstrligi satyp alyp bergen», - deıdi Bıologııalyq qaýipsizdik problemalary ǵylymı-zertteý ınstıtýtynyń bas dırektory Kúnsulý Zakarıa.
Onyń aıtýynsha, bul qurylǵysyz atalǵan vaktsınany óndirý múmkin bolmas edi.
«Óndiris kólemi boıynsha «SQ-Farmatsııamen» kelisim jasadyq. Ol 50 myńnan bastalyp, birtindep aıyna 500 myń dozaǵa deıin ósedi. Alǵashqy 50 000 doza sáýir aıynyń sońynda shyǵarylady», - dep atap ótti ol.
