Qazaqstandyq V.Kýdrın Tarazda erkin kúresten halyqaralyq týrnırde kúmis medaldi jeńip aldy
ASTANA. QazAqparat - Aqmola oblysynan Vladımır Kýdrın Tarazda Dinmuhamed Qonaevty eske túsirýge arnalǵan erkin kúresten halyqaralyq týrnırde ekinshi orynǵa ıe boldy.
Osynaý bedeldi saıysqa álem chempıondary, Olımpıada oıyndarynyń júldegerleri, Qazaqstan, Daǵystan, ıAkýtııa, Grýzııa, Qyrǵyzstan, Ózbekstan jáne basqa da kóptegen elderdiń jetekshi palýandary qatysýda, dep habarlady Aqmola oblystyq ishki saıasat basqarmasy.
«Taraz Arena» Sport saraıynda bastalǵan týrnırde bilekti palýandar 57-den 125 kelige deıingi segiz salmaq sanatynda saıysqa túsýde.
Alǵashqy kúni aqmolalyq Vladımr Kýdrın fınalda otandasy Artas Sanaǵa jol berip, 57 kelige deıingi salmaqta ekinshi orynǵa ıe boldy. Fınalǵa deıingi jolynda Vladımır Ózbekstannyń eki palýanyn, jartylaı fınalda ıAkýtııa sportshysyn jeńgen bolatyn.
Eske sala keteıik, Tarazda Dinmuhamed Qonaevty eske túsirýge arnalǵan erkin kúresten halyqaralyq týrnır bastaldy. Týrnırdiń alǵashqy kúni qazaqstandyqtar 2 altyn, 3 kúmis jáne 5 qola medaldarǵa qol jetkizdi.
