Qazaqstandyq úzdik kardıohırýrg týraly derekti fılm Nepaldaǵy kınofestıvalde kórsetiledi
ASTANA. QazAqparat - Sh.Aımanov atyndaǵy «Qazaqfılm» AQ men «Almatyfılm» JShS túsirgen «Júrekterge jańa ǵumyr syılaǵan» derekti fılmi 8-12 jeltoqsan aralyǵynda Katmandý qalasynda (Nepal) ótetin 14-shi halyqaralyq kınofestıvaldiń baıqaýdan tys baǵdarlamasynda kórsetiledi, dep habarlaıdy QR Mádenıet jáne sport mınıstrliginiń baspasóz qyzmeti.
Derekti fılm halyqaralyq deńgeıli úzdik kardıohırýrgterdiń biri, medıtsına ǵylymdarynyń doktory ıÝrıı Pıanyń qyzmeti jáne onyń alǵashqy naýqastary týraly syr shertedi.
«ıÝrıı Pıa hırýrg bolýǵa jaratylǵan adam. Fılmge onyń biliktiligi týraly aıtatyn áriptesteri men ómirin saqtap qalǵan naýqas jandar qatysqan. Bul fılm shetelde kórsetiletinine qýanyshtymyn», - dedi fılmniń rejısseri Ońdasyn Tastanov.
Gımalaı qaýymdastyǵynyń (Himal Association) uıymdastyrýymen Katmandý qalasynda jyl saıyn ótetin halyqaralyq kınofestıval 2000 jyldan beri ótkizilip keledi. Bıyl festıval sheńberinde Germanııa, Qytaı, Frantsııa, Úndistan, Túrkııa, AQSh, Koreıa syndy memleketterdiń 80-ge jýyq fılmderi kórsetiledi.
ıÝrıı Pıa Qazaqstanda kardıohırýrgııalyq járdem qyzmetin jolǵa qoıý jáne damytýǵa qomaqty úles qosty, sonyń usynýymen ondaǵan naýqastardyń ómirin saqtap qalǵan jańa ozyq medıtsınalyq tehnologııalardy engizý múmkin boldy.
Fılmniń stsenarıin Zlıha Shymyrova jazǵan.
