Qazaqstandyq úshinshi boksshy Álem chempıonatyn aıaqtady
ASTANA. QazAqparat - 64 kelige deıingi salmaq dárejesindegi sportshymyz Bekdáýlet Ibragımov Gambýrgte ótip jatqan bokstan Álem chempıonatynda óziniń ekinshi aıqasyn ótkizdi, dep habarlaıdy QazAqparat.
Bekdáýlet Ibragımovtyń qarsylasy armıan boksshysy Ovanes Bachkov boldy. Tartysty dodada azdaǵan esep aıyrmasymen Armenııa ókili jeńiske jetti, esep - 3:2.
Búgin Álem chempıonatyndaǵy jekpe-jekterin sondaı-aq Ábilhan Amanqul (75 kelige deıin), Jomart Erjan (49 keli) men Qaırat Eralıev (56 keli) ótkizgen bolatyn. Qarsylastarynan basym túsken olar, shırek fınalǵa joldama aldy. Endi 29 tamyzda Jomart reseılik Vasılıı Egorovpen, Qaırat nemis Omar El-Hagpen, Ábilhan kýbalyq Arlen Lopespen qolǵap túıistiredi.
Eske salaıyq, buǵan deıin taǵy eki sportshymyz - Azamat Isaqulov (52 keli) pen Ádilet Qurmetov (60 keli) týrnırdegi jarysyn aıaqtaǵan bolatyn.
25 tamyzda bastalǵan Bokstan álem chempıonaty toǵyz kúnge jalǵasyp, 2 qyrkúıek kúni márege jetedi. Qazaqstan quramasy barlyq 10 salmaq dárejesinde synǵa túsetin bolady. Olar - 49 keli salmaqta Erjan Jomart, 52 keli salmaqta Azamat Isaqulov, 56 keli salmaqta Qaırat Eralıev, 60 kelide Ádilet Qurmetov, 64 kelide Bekdáýlet Ibragımov, 69 kelide Abylaıhan Júsipov, 75 kelide Ábilhan Amanqul, 81 kelide Erik Áljanov, 91 kelide Vasılıı Levıt jáne asa aýyr salmaqta Qamshybek Qońqabaev.
Baıraqty dodada álemniń 85 elinen 280 boksshy baq synaýda.
