Qazaqstandyq úsh kásipqoı boksshy Máskeýde jekpe-jek ótkizedi
ASTANA. QazAqparat - 7 qarasha kúni Máskeýde ótetin boks keshinde Qazaqstan ókilderi óner kórsetedi, dep habarlaıdy QazAqparat.
VKontakte áleýmettik jelisindegi «Qazaqstannyń kásipqoı boksy» akkaýntynda málim etilgendeı, boks keshinde kásipqoı rıngtegi óziniń úshinshi aıqasyn 22 jastaǵy Ilıa Ochkın (2-0) ótkizedi. Birinshi orta salmaqtaǵy sportshynyń qarsylasy ázirge belgisiz.
Sondaı-aq sharshy alańǵa Tukeshov Boxing Promotions kompanııasynyń boksshylary - 18 jastaǵy Abylaıhan Bitimov (1-0, 1KO) pen Jánibek Baqytov (debıýt) shyǵady. Bitimovtyń qarsylasy - qyrǵyzstandyq Maısalbek Esenov, al Baqytov reseılik Jahongır Jýramýradovpen qolǵap túıistiredi.
