Qazaqstandyq úsh kásibı boksshy Extra Round 4 keshinde jeńiske jetti
ASTANA. QazAqparat - Reseıdiń Ekaterınbýrg qalasynda ótip jatqan Extra Round 4 kásibı boks keshinde qazaqstandyq úsh boksshy jeńiske jetti. Bul týraly sports.kz «Qazaqstan kásibı boksynyń» VKontakte áleýmettik jelisindegi tobyna silteme jasap habarlady.
Ábilhaıyr Shegalıev (1-0) atalmysh shoý aıasynda kásibı rıngtegi óziniń ekinshi aıqasyn ótkizdi. 69,9 kelige deıingi salmaq dárejesinde óner kórsetetin almatylyq sportshy omskilik qarsylasy Ivan Erhovty tórtinshi raýndta nokaýtqa jiberdi.
Sondaı-aq osy keshte 25 jastaǵy Dáýlet Dáýkenov kásibı bokstaǵy úshinshi jeńisine qol jetkizdi. Elordalyq sportshy alty raýndtyń qorytyndysy boıynsha tóreshilerdiń biraýyzdy sheshimimen reseılik Mıhaıl Lesnıkovty jeńdi.
Profı-rıngte alǵash ret baǵyn synap kórgen Rýstam Svaev ta jankúıerlerin qapy qaldyrmady. Orta salmaqta aıqasqan qyzylordalyq boksshy tórt raýndtyń nátıjesi boıynsha tóreshilerdiń biraýyzdy sheshimimen reseılik Vasılıı Podnebesnyıdy utty.
