Qazaqstandyq úsh iri munaı óndirý kompanııasy sheteldik óndirýshilermen birlesken kásiporyndar salady

ASTANA. QazAqparat - Qazaqstannyń «Qashaǵan», «Qarashyǵanaq» jáne «Teńiz» sııaqty úsh iri munaı jobasynyń operatorlary burǵylaý men jobalaý boıynsha birlesken kásiporyndar ashady. Bul týraly búgin Ortalyq kommýnıkatsııalar qyzmetinde ótken brıfıngte QR Energetıka vıtse-mınıstri Uzaqbaı Qarabalın aıtty.

«Qashaǵan», «Qarashyǵanaq» jáne «Teńiz» jobalarynyń belsendi túrde keńeıýi kezinde bizge qyzmet kórsetý men qurylǵylardyń joǵary tehnologııalyq túrleri qajet bolady. Osy máseleni sheshýdiń bir joly retinde álemdik kóshbasshylardyń zamanaýı tehnologııalaryn qoldana otyryp, birlesken kásiporyndar ashýdy qarastyrýǵa bolady. Aıta keteıik, atalǵan úsh jobanyń operatorlary búginde burǵylaý, jobalaý, geofızıkalyq qyzmet kórsetý salalarynda birlesken kásiporyndardy salýǵa kirisip ketti», - dedi ol.