Qazaqstandyq úsh boksshy jasóspirimder arasyndaǵy Azııa chempıonatynyń fınalyna shyqty

NUR-SULTAN. QazAqparat – Kýveıtte 2005-2006 jyly týǵan jasóspirimder arasynda ótip jatqan Azııa chempıonatynda úsh qazaqstandyq bylǵary qolǵap sheberi fınalǵa shyqty, dep habarlaıdy QazAqparat.

QR Boks federatsııasynyń habarlaýynsha, Kýveıtte 2005-2006 jyly týǵan kishi jasóspirimder arasyndaǵy Azııa chempıonaty ótip jatyr.

Atalǵan synda el namysyn qorǵap jatqan boksshylar arasynan úsheýi fınalǵa ótti.

Atap aıtar bolsaq, 61 kelide Vıktor Lıtvınov, 67 kelidegi Batyrhan Seıtenov jáne 70 kelidegi tarazdyq Erdos Sháripbek fınalda judyryqtasady.

Vıktor Lıtvınov pen Batyrhan Seıtenovtiń fınaldaǵy qarsylastary Ózbekstan boksshysy bolsa, Erdos Sháripbektiń qarsylasy úndistandyq boksshy.