Qazaqstandyq úsh boksshy jasóspirimder arasyndaǵy álem chempıonatynyń fınalyna shyqty
ASTANA. 15 qyrkúıek. QazAqparat - Kıevte ótip jatqan jasóspirimder arasyndaǵy bokstan álem chempıonatynyń aqtyq synyna úsh qazaqstandyq bylǵary qolǵap sheberi joldama aldy.
Búgin Abylaıhan Júsipov, Rahat Marjyqpaev jáne Qadyrbek Sadyqbek chempıondyq ataq úshin sharshy alańǵa kóteriletin bolady.
Keshe jartylaı fınaldyq kezdesýde 57 keli salmaq sanatynda judyryqtasqan Abylaıhan Júsipov túrik sportshysy Onýr Arslandy 3:0 esebimen utqan edi. 66 kelige deıin salmaqta sharshy alańǵa kóterilgen Rahat Marjyqpaev ta ózbekstandyq qarsylasy Eldar Marjanovtan dál osyndaı eseppen basym tústi. Al 70 kelide judyryqtasqan Qadyrbek Sadyqbek reseılik Vladımır Harchenkodan aılasyn asyrdy.
Aıta keterligi, qazaqstandyq bes boksshy, atap aıtqanda Álimjan Beskempir (46 kg), Serik Temirjanov (48 kg), Stoıan Mazýr (50 kg), Baýyrjan Temirhan (52 kg), Dmıtrıı Zısko (+80 kg) álem birinshiliginiń qola júldesin ıelengen edi.
