Qazaqstandyq úsh boksshy qyz Serbııadaǵy týrnırde jartylaı fınalǵa shyqty
NUR-SULTAN. QazAqparat - Belgradta áıelder arasynda bokstan halyqaralyq Belgrade Winner týrnıriniń shırek fınalynyń birinshi kúni ótip, qazaqstandyq alty sportshy qyz baq synady. Olardyń úsheýi jeńiske jetip, jartylaı fınalǵa shyqty. Bul týraly Olımpık.kz habarlaıdy.
Jaına Shekerbekova (51 keli) tóreshilerdiń biraýyzdan shyǵarǵan sheshimi boıynsha Serbııa chempıony Nına Radovanovıchti jeńip ketti. Karına Ibragımova túrkııalyq Islem Ferchıchıden basym tústi. Al Aıjan Hodjabekova ýkraınalyq Marııa Pasechnoımen qolǵap túıistirip, baǵy jandy.
Ókinishke oraı, Aıgerim Qasenaeva (51 keli), Dámetken Kelimbet (57 keli) jáne Baıan Aqbaeva (69 keli) jarys jolynan shyǵyp qaldy. Sondaı-aq, búgin Álııa Ábdraımova (64 keli) sharshy alańǵa shyǵady.
Qazaqstandyq boksshy qyz horvatııalyq Maııa Sarıchpen judyryqtasyp, fınaldyq joldamaǵa talasatyn bolady. Jerebe tartý rásimi boıynsha, Álııa týrnırdi jartylaı fınaldyq kezeńnen bastaıdy.
Esterińizge sala ketsek, Aıda Ońdash pen Ýmıda Sadyqova birden fınaldyq básekede baq synaıtyn bolady. Osylaısha, qazaqstandyq qurama Serbııadaǵy týrnırde 6 medalden úmitti ekenderin málimdedi.
