Qazaqstandyq UOS ardageri: Bizdiń jeńis adamzatty ólimnen saqtady - Máskeý
«Erekshe sezimde turmyn. Jeńis paradyna úshinshi ret kelýim. Jeńistiń mańyzy týraly qysqasha aıtýdyń ózi ońaı emes. Bir sózben aıtqanda, bizdiń jeńis adamzatty ólimnen saqtap qaldy», - dedi ol. Ardager Máskeý túbindegi shaıqasqa qatysqanyn atap ótti. Stalıngrad, Ýkraına, Qyrym, Belarýs, Baltyq túbindegi urystarǵa qatysqan. Ol Máskeýdegi áskerı paradta óz joldastarymen jolyqty. «Paradta kóptegen joldastarymdy kezdestirdim. Ótken kúnderdi esimizge aldyq», - dedi ardager olarǵa beıbitshilik pen densaýlyq tileı otyryp. «Men Álemge beıbitshilik, baqyt tileımin. Barshańyzǵa Uly jeńis qutty bolsyn degim keledi!», - dedi ardager sóz sońynda. K. Dúısembekov 4-shi Ýkraın maıdannyń 13-shi korpýsy 24-shi gvardııalyq dıvızııasynda bolǵan. 1-shi, 2-shi dárejeli UOS ordenderimen marpattalǵan. Oktıabr revolıýtsııasy, Qyzyl Tý Ordeni, «Qurmet» ordeniniń ıegeri.
