Qazaqstandyq Ulttyq qurama boksshylary Nıderlandta baq synady
Bıyl Nıderlandtyń Boks federatsııasy Qazaqstan quramasyn osymen úshinshi ret uıymdastyrylyp jatqan World Port Boxing dástúrli týrnırine shaqyrǵan bolatyn. Osyǵan deıin bul týrnırge 2017 jyly AQSh pen 2018 jyly Kýba quramasy shaqyryldy.
Bapker Ǵalymbek Kenjebaev bul jolǵy kezdesýge 8 tálimgerin alyp keldi. Osy boks keshi úshin gollandtyqtar 1750 adam sııatyn arnaıy ǵımarat ornatty. Bul keshtiń bıletteri tolyǵymen satylyp ketti.
«Kezdesý ońaıǵa soqqan joq, alaıda men oǵan tyńǵylyqty daıyndalǵan edim. Men qarsylasymnyń tegeýrindi ári soqqyǵa tózimdi ekenin biletinmin. Sondaı-aq biz jarystaǵy alǵashqy jup bolatynbyz, bul bizge qosymsha jaýapkershilik túsirdi»,-dedi golandııalyq Mıroı Messıngti jeńgen Aıda Ábikeeva.
Kelesi úsh raýndtyq kezdesýde álem chempıonatynyń qola júldegeri Abylaıhan Júsipov pen Delan Djeıms shyqty. Tóreshiler jeńisti qaraǵandylyq sportshyǵa berdi. Óz kezeginde jasóspirimder arasyndaǵy Olımpıada jeńimpazy Talǵat Shaıken Sammı Vagensveldten basym tústi.
Aıta keteıik, World Port Boxing týrnırinde qazaqstandyq 6 boksshynyń mereıi ústem boldy. Eki eldiń erler jáne áıelder quramalarynyń sportshylary qazir Nıderlandta birlesken oqý-jattyǵý jıynynda júr.
Tımýr Dúısekeev