Qazaqstandyq ultaralyq kelisim úlgisi búkil álemde senim týdyrýda - QR Mádenıet mınıstri

; ALMATY. Maýsymnyń 11-i. QazAqparat /Názıra Eleýhan/ - Bıylǵy jylǵy Qazaqstannyń EQYU -ǵa tóraǵalyǵyn qoǵamdyq-saıası damýda elimizdiń jetistigi retinde ǵana emes, bizdiń aýmaqtaǵy qaýipsizdikti qamtamasyz etýge qosqan úlesi retinde moıyndaldy deýge bolady.

Bul týraly búgin Almatyda «Mádenıetterdiń úndesýi arqyly beıbitshilik pen kelisimge» degen taqyrypta ótip jatqan etnomádenı birlestikterdiń halyqaralyq forýmynda QR Mádenıet mınıstri Muhtar Qul-Muhammed aıtty, dep habarlaıdy QazAqparat.

"Qazaqstan memleketiniń saıasaty elimizdegi dinaralyq jáne mádenıetaralyq suhbatqa negizdelgen. Birlik pen tatýlyqta 130-dan asa ult ókilderi bir shańyraqta ómir súrip jatqandyǵymyz, birge ómir súre bilýdiń úlgisine aınaldy. Táýelsiz el bolǵaly beri etnosaralyq qatynas salasynda zań jetildirildi. Elimizde Qazaqstan halqy Assambleıasy quryldy. Búginde ol - dinaralyq toleranttyq pen ultaralyq kelisimniń saqtalýyna óziniń mańyzdy úlesin qosyp otyr", dep atap ótti Muhtar Qul-Muhammed.

Onyń aıtýynsha, Qazaqstannyń kelesi jyly Islam Konferentsııasy Uıymyna tóraǵalyǵyn, batys pen shyǵys elderi arasyndaǵy dıalog retinde qaraýǵa bolady. "Bizdiń álemdik saıasat jáne toleranttyq halyqaralyq qoǵamdastyqta keńinen belgili. Búginde ultaralyq kelisim úlgisi búkil álemde senim týdyrýda. Qazaqstan halqy Assambleıasynyń atqaryp otyrǵan jumystary arqasynda kóp ultty memleketimizde beıbitshilik pen dostastyqty nyǵaıtýda kóptegen keshendi jumystar atqarylýda. Bul baǵyttaǵy qadamda El birligi doktrınasy qabyldandy. Qazir Úkimet ony iske asyrýda shara josparlaryn bekitip te qoıdy», dedi Mádenıet mınıstri.