Qazaqstandyq úlesti arttyrý - Memleket basshysynyń Úkimet aldyna júktegen strategııalyq mindeti
«Jergilikti ákimdikterden bastap mınıstrlikterge deıingi barlyq memlekettik qurylymdardyń is-qımyldary men talpynystarynyń birlesip jumylýy, ulttyq kompanııalar men iri bıznesterdiń jáne kez kelgen ekonomıkanyń qozǵaýshy kúshi sanalatyn otandyq kásipkerlerdiń osynaý ıdeıany ustanýy qazaqstandyq úlesti damytý baǵdarlamasynyń tabysty oryndalýynyń negizgi kilti bolyp tabylady», - delingen Indýstrııa jáne jańa tehnologııalar mınıstrliginiń habarlamasynda.
Jalpy, qazaqstandyq úlesti damytý - Memleket basshysy el Úkimetiniń aldyna qoıyp otyrǵan strategııalyq mindet bolyp tabylady. «Qazaqstandyq úlesti damytý Úkimet úshin birinshi kezektegi másele bolýy tıis. Biz ony eń joq degende jalpy ishki ónimniń 50%-yna deıin jetkizýimiz kerek», - degen bolatyn Elbasy.
