Qazaqstandyq TV tsıfrlyq múmkindikteri
Qazaqstanda tsıfrlyq jerústi telehabar taratýdy engizý jónindegi jobany iske asyrý 2012 jylǵy shildede bastaldy. Qazirgi ýaqytta paıdalanýǵa berilgen RTS jalpy sany - 492 birlik, ol 13 mıllıonnan astam turǵyndy qamtıdy. Uzaq ótpeli kezeń tapsyrmanyń kúrdeliligimen túsindiriledi.
Eldiń «analogtan» «tsıfrǵa» kóshýi – qazirgi Qazaqstannyń eń aýqymdy jáne biregeı jobalarynyń biri. Analogty telehabar taratýdy 100% -ǵa óshirý úshin búkil el boıynsha 827 radıotelevızııalyq stantsııa salý jáne jańǵyrtý qajet.
Biraq mundaı jumys kólemi maqsatty aqtaıdy: tsıfrlyq televızııa joǵary sapaly keskin pen dybys alýǵa múmkindik beredi, sonymen qatar arnalar men baǵdarlamalardyń úlken tańdaýyn usynady. Eski úlgidegi sıgnal syrtqy áserlerge óte osal keledi, mysaly, ol aýa-raıynyń qolaısyzdyǵyna baılanysty jáne qatty jel turǵanda jaı joǵalyp ketýi múmkin. Tsıfrlyq telehabar taratý sıgnaldyń sapasy men qorǵanysynyń joǵary deńgeıine ıe, ol uzaq qashyqtyqtan qabyldanady.
Qazir analogty habar taratý bir taratqysh bir arna ustanymy boıynsha jumys isteıdi. Tsıfrlyq bir taratqyshtan kóptegen arnalardy taratýǵa múmkindik beredi. Qarapaıym tilmen aıtqanda, arnalar «qysylady» jáne 1 jıilikte «mýltıpleks» arqyly beriledi. Kórermender úshin artyqshylyqtar aıqyn, sıgnal sapasy, arnalardy tańdaý burynǵyǵa qaraǵanda úlken, al tegin toptamaǵa keminde 30 telearna kiredi. Jáne de munyń bári eshqandaı abonenttik tólemsiz.
Efırlik televızııadaǵy alǵashqy jańalyqty Mańǵystaý, Jambyl jáne Túrkistan, Almaty, Qostanaı jáne Pavlodar oblystarynyń turǵyndary sezindi. Otandastarymyz negizgi mýltıpleks boıynsha «QAZAQSTAN», «Habar», «Habar24», «BALAPAN», «EL ARNA»,«QAZSPORT»,«Kazakh TV», «Pervyı kanal Evrazııa» sııaqty Qazaqstannyń iri telearnalary men óńirlik bir telearna kiretin sapaly televızııany paıdalana alady.
Tsıfrlyq habar taratýdyń engizilýimen otandyq telearnalar da damý úshin jańa serpin alady. Analogty televızııanyń múmkindikteri taýsyldy, al jańa telearnalar «analogta» oryn bolmaýyna baılanysty efırge shyǵa almaıdy. «Tsıfr» barlyǵynyń jumys isteýine múmkindik beredi.
Memleket aldynda shaǵyn óńirlik telearnalardy qoldaý mindeti tur, sondyqtan jyl saıyn oblystyq telearnalar birinshi, negizgi mýltıplekske kirý konkýrsyna qatysyp júr. Alaıda tsıfrlyq jeli boıynsha taratý tarıfine saı kez kelgen qazaqstandyq arna tsıfrlyq tolqyndaǵy qoljetimdi arnalar tizimine kire alady.
Esesine telekompanııa tek minsiz sapada úzdiksiz habar taratýdy ǵana emes, sonymen qatar EPG túımesin basý arqyly kidirtý jáne teleshoýlardyń habarlandyrýyn kórsetý sııaqty televızııalyq habar taratý júıesine qosymsha fýnktsııalardy engizý múmkindigin alady.
Tsıfrlyq jerústi telehabar taratýdy damytý jáne abonentterge sapaly sýret pen dybys berý, tutastaı alǵanda búkil el úshin de tıimdi ekni aıqyn. Búgingi «tsıfrǵa» kóshý – jalpy álemdik trend.
Mysaly, Germanııa, Ulybrıtanııa, Ispanııa, Shvetsııa sıgnaldy qaıta formattaýdy 20 jyl buryn bastaǵan.
Mundaǵy basty basymdyq – adamnyń ómir súrý sapasyn, onyń ishinde sapaly televızııa kómegimen jaqsartý.
