Qazaqstandyq týyndy Shveıtsarııadaǵy kınofestıvalde marapatqa ıe boldy

NUR-SULTAN. QazAqparat - Qazaqstandyq rejısser Jannat Alshanovanyń «Órkenıet tarıhy» atty qysqa metrajdy fılmi Shveıtsarııadaǵy halyqaralyq kınofestıvalde marapatqa ıe boldy, dep habarlaıdy QazAqparat tilshisi.

«Bul múldem tań qalarlyq jaıt. Bizdiń «Órkenıet tarıhy» fılmimiz Lokarnodaǵy halyqaralyq kınofestıvalde kúmis qabylanǵa (pardini d'argento) ıe boldy», - dep jazdy Jannat Alshanova Facebook paraqshasynda .

Onyń atap ótýinshe, marapat onyń komandasyna úzdik qysqa metrajdy fılmi atalymy úshin berilgen.

Lokarnodaǵy halyqaralyq kınofestıval mańyzdylyǵy jaǵynan Eýropadaǵy Kann, Venetsııa jáne Berlın kınofestıvalderinen keıin tórtinshi orynda tur. Festıval Shveıtsarııanyń Tıchıno kantonyndaǵy ıtalıan tildes shaǵyn qalashyqta ótkenine qaramastan, jyl saıyn ózine kıno kórermenderdiń, kınomatografısterdiń jáne kınosholýshylardyń úlken shoǵyryn ózine baýrap otyr. Festıvaldiń bas júldesi – «Altyn qabylan» dep atalady.

Festıval aıasynda kınoforým ótip turady.