Qazaqstandyq tutynýshylar kóp shaǵymdanatyn salalar belgili boldy
ASTANA. QazAqparat - Úkimet otyrysynda Premer-Mınıstr Baqytjan Saǵyntaev tutynýshylar quqyqtaryn qorǵaý máselesi boıynsha tıisti tapsyrmalardy berdi, dep habarlaıdy QazAqparat.
«Ulttyq ekonomıka mınıstrligine, ortalyq ári jergilikti atqarýshy organdarǵa tutynýshylar quqyqtaryn qorǵaý máselesinde qatań ustanym bolýy kerektigin tapsyramyn. Otyrys barysynda halyqtyń tıisti deńgeıde aqparattandyrylmaı otyrǵandyǵy kóterildi, sondyqtan bul baǵyttaǵy jumystardy belsendirek iske asyrý qajet»,-dep júktedi B. Saǵyntaev.
Úkimet otyrysynda Ulttyq ekonomıka mınıstri Tımýr Súleımenov qazaqstandyq tutynýshalar kóp shaǵymdanatyn salalardy atady.
Belgili bolǵandaı, 2016 jyldyń qorytyndysy boıynsha memlekettik organdar tutynýshylardan túsken 23 myńnan astam ótinishti qarady. Olardyń nyń ishinde Ulttyq bankke 56 paıyzy, Ulttyq ekonomıka mınıstrligine 19 paıyzy, Densaýlyq saqtaý mınıstrligine 11 paıyzy, Qarjy jáne Energetıka mınıstrlikterine 3 paıyzdan tıesili»,-dep toqtaldy mınıstr.
Onyń sózine qaraǵanda, memlekettik organdar qarastyrǵan shaǵymdar mánin eskere otyryp, onda ótinimderdiń basym bóligi qaryzdardy qaıta qarjylandyrý men bank zaıymdaryna qyzmet kórsetý máselelerine qatysty kendigi belgili boldy.
Densaýlyq saqtaýda aryzdar negizinen medıtsınalyq qyzmetterdiń sapasy men onyń der kezinde kórsetilýine baılanysty bolyp otyr.
Al TKSh baǵytyndaǵy shaǵymdar tabıǵı monopolııalar men qoǵamdyq mańyzdaǵy naryqtardyń qyzmetine baǵa men tarıfterdiń ósýine, sondaı-aq PIK-ter men basqarýshy kompanııalar qyzmetiniń sapasyna qatysty. Munymen qosa, bólshek saýdada qadaǵalaý-kassalyq chekterdiń berilmeýi, tarazyda kem ólsheý, sapa sertıfıkatynyń bolmaýy sekildi kemshilikter oryn alyp jatyr.
