Qazaqstandyq túrkologtar «Vılgelm Tomsen» medalimen marapattaldy
Halyqaralyq Túrki akademııasynyń joǵarǵy nagradasy sanalatyn «Vılgelm Tomsen» medali túrkologııa salasynyń damýyna aıryqsha úles qosqan ǵalymdarǵa beriledi.
«Myrzataı Joldasbekov «Kúltegindi» Qazaqstanǵa ákelgen, eń bastysy Kúltegin jazýyn alǵash oqyǵan. Tomsonnyń jolyn jalǵastyryp, Kúltegindi, Bilge Qaǵandy, Tonykókti «sóıletken», bizdiń túrkologııanyń basynda turǵan úlken tulǵa. Dál osyndaı marapatty Túrki áleminiń keńistigin Altaıdan asyryp, Amerıkadaǵy úndisterge jalǵap júrgen, qazir Skandınavııada vıkıngterdiń izin zerttep, ári qaraı Shotlandııamen, saksondarmen baılanysyn lıngvıstıkalyq turǵyda zerttep júrgen ǵalym, túrkolog Ádil Ahmetovke tapsyrǵymyz keledi», - dedi Halyqaralyq Túrki akademııasynyń prezıdenti Darhan Qydyráli elordada Nahchyvan kelisiminiń 10 jyldyǵyna arnalǵan jıynda.
Sonymen birge, Akademııa basshysy jıyn barysynda Túrkııa Respýblıkasynyń Tótenshe jáne Ókiletti Elshisi Nevzat Ýıanykqa arnaıy qurmet kórsetip, ıyǵyna shapan japty.
Eske sala ketsek, búgin Qazaqstan, Túrkııa, Ázerbaıjan jáne Qyrǵyzstan prezıdentteri qol qoıǵan tarıhı qujat – Nahchyvan deklaratsııasyna 10 jyl toldy. 2009 jyly Ázerbaıjannyń Nahchyvan qalasynda ótken Túrkitildes memleketter basshylarynyń IX sammıtinde Qazaqstannyń Tuńǵysh Prezıdenti Nursultan Nazarbaevtyń Túrki keńesin qurý ıdeıasy iske asty. Elbasynyń ıdeıalary negizinde Túrkitildes elder yntymaqtastyq keńesi men Túrki akademııasyn qurý týraly qujat qabyldandy.
https://kaz.inform.kz/news/nahchyvan-deklaraciyasyna-10-zhyl_a3571617
Bıyl Ózbekstan Respýblıkasy Túrki Keńesiniń tolyqqandy múshesi atandy. Osylaısha, Túrki keńesiniń quramyndaǵy memleketterdiń sany beske jetti. Olar: Ázerbaıjan, Qazaqstan, Qyrǵyz Respýblıkasy, Túrkııa jáne Ózbekstan. Sondaı-aq Majarstan uıymnyń baqylaýshy eli mártebesine ıe.
https://kaz.inform.kz/news/ozbekstan-turki-kenesinin-tolykkandy-mushesi-boldy-bagdad-amireev_a3566037