Qazaqstandyq týrısti óltirgen tórtinshi qylmysker ustaldy
ASTANA. 22 tamyz. QazAqparat - Qyrǵyzstanda qazaqstandyq týrıst Erlan Balmahaevty óltirgen tórtinshi qandyqol qylmysker ustaldy.
Bul týraly «24.kg» AA Ystyqkól oblysy Іshki ister basqarmasyna silteme jasap habarlady.
Vedomstvonyń deregine qaraǵanda, Erlan Balmahaevtyń ólimine qatysty tórtinshi adam ustaldy. Ol 1996 jyly týǵan jergilikti turǵyn bolyp shyqty.
Eske sala keteıik, 2011 jyldyń 7 tamyzyna qaraǵan túni Ystyqkól aýdany Qara-Oı aýylyndaǵy «Rohat-NBÝ» pansıonatynyń jaǵajaı aýmaǵynda Qazaqstan Respýblıkasynyń azamaty Erlan Balmahaevty soqqyǵa jyǵyp, tonap ketken edi. Ol Sholpan Ata qalasyndaǵy Ystyqkól aýdandyq aýrýhanasyna jatqyzylǵan bolatyn. Ókinishke qaraı, ol 14 tamyzda esin jımastan qaza tapty.
