Qazaqstandyq týrısterge Eýropada qyzylsha indetiniń taralýy týraly eskertý jarııalandy

Qazaqstan Respýblıkasy Mádenıet jáne sport mınıstrliginiń Týrızm ındýstrııasy komıteti baspasóz qyzmetiniń Eýropalyq aýrýlardy baqylaý jáne aldyn alý jónindegi ortalyqtyń aqparatyna silteme jasaı otyryp habarlaýyna sáıkes, eýropalyq óńir elderinde 2017 jyldyń basynan beri qyzylsha indetiniń epıdemııalyq jaıylýy baıqalýda. Eń kóp jaǵdaı Rýmynııa jáne Italııada oryn alǵan.Aýrýdy juqtyrýdyń barlyq oqıǵalary 14 elde tirkelgen: Avstrııa, Belgııa, Bolgarııa, Majarstan (Vengrııa), Germanııa, Islandııa, Ispanııa, Italııa, Portýgalııa, Rýmynııa, Chehııa, Shveıtsarııa, Shvetsııa, Frantsııa. Adam ólimi  jaǵdaılary da kezdesti. Aýrýdan zardap shegýshilerdiń jalpy sany 4000-nan astam adamdy quraıdy.

Qazaqstan Respýblıkasy Mádenıet jáne sport mınıstrliginiń Týrızm ındýstrııasy komıteti Eýropa elderine saıahattaýdy iske asyratyn týroperatorlardy óz klıentterine óńirdegi epıdemıologııalyq jaǵdaı jáne osyǵan baılanysty densaýlyq pen ómirge tónetin qaýip týraly habardar etýge shaqyrady.

QR MSM Týrızm ındýstrııasy komıteti Eýropa elderine saparǵa shyǵýdy josparlaǵan týrısterge qyzylsha indetiniń taralýyna baılanysty baratyn jerdiń qaýipti ekenin eskerýge keńes beredi.

Qyzylsha vırýstyq jolmen taralatyn asa qaýipti juqpaly aýrý bolyp tabylady. Qyzylsha vırýsy, ádette, tikeleı qarym-qatynas arqyly, sondaı-aq aýa arqyly juǵady. Qyzylsha dertiniń bastapqy belgisi vırýstyń yqpalynan keıin shamamen 10-12 kún ótken soń bastalatyn jáne 4-7 kúnge deıin sozylatyn dene qyzýynyń ádeýir kóterilýi bolyp tabylady. Osy bastapqy satyda tumaý, jótel, kózdiń qyzarýy jáne kózden jas aǵý, sondaı-aq bettiń ishki qabatynda usaq aq daqtar paıda bolýy múmkin. Birneshe kún ótken soń, ádette, bette jáne moıynnyń joǵary bóliginde bórtpeler paıda bolady. Qyzylsha dertinen adam óliminiń kóptegen jaǵdaılary osy aýrýdyń asqynyp ketýimen baılanysty. Qyzylsha vırýsyn arnaıy emdeý joly joq.