Qazaqstandyq týrısterge Eýropada A gepatıti órship turǵany eskertildi
Álemdik BAQ málimetterine qaraǵanda, 2016 jyldyń aqpanynan beri eýropalyq óńirdiń elderinde A gepatıtine shaldyǵýdyń epıdemııalyq ósimi baıqalýda. Aýrý juqtyrǵandardyń jalpy sany 330 adamnan asty. Osy oraıda indet týraly jaǵdaılar 13 elde tirkeldi, ıaǵnı Avstrııa, Belgııa, Danııa, Fınlıandııa, Frantsııa, Germanııa, Italııa, Irlandııa, Gollandııa, Portýgalııa, Ispanııa, Shvetsııa jáne Ulybrıtanııa memleketteri osy tizimde bar.
Gepatıttiń taralýyna baılanysty eýropalyq mamandar indet oshaǵyn aýyzdyqtaý men joıý sharalaryna kiristi. Bul baǵytta táýekeldi toptardy vaktsınalaý men sanıtarlyq-aǵartýshylyq jumystary eskerilgen.
Gepatıt (sary aýrý) - baýyrdy zaqymdaıtyn vırýstyq ınfektsııa. A gepatıti vırýsy jýylmaǵan azyq-túlikti, taza emes sýdy tutynǵanda nemese indetke shaldyqqan adamnan da juǵady.
Atap aıtqanda, qalyptasqan jaǵdaıǵa baılanysty QR Mádenıet jáne sport mınıstrligi Týrızm ındýstrııasy komıteti Qazaqstan azamattaryna saıahat kezinde gıgıenalyq erejeni saqtaýǵa shaqyrýda.