Qazaqstandyq týrısterge Brýneıge saparlamastan buryn eldiń zańymen jete tanysýǵa keńes beriledi
«Brýneı-Darýssalam memleketinde sharıǵat qylmystyq quqyǵy engizilgen. QR Indýstrııa jáne jańa tehnologııalar mınıstrliginiń Týrızm ındýstrııasy komıteti túsinispeýshilikter men tosyn jaıttarǵa tap bolmaý úshin osy jańashyldyqtarǵa erekshe nazar aýdarady. Máselen, zańda «qoǵamdyq adamgershilikti kemsitý», «dindi nemese paıǵambardy kemsitý», «adamgershilikke jat kıim kııý» syndy máseleler barynsha keń túrde túsindirilýi múmkin. Sharıǵat quqynda qundaı is-áreketter úshin jazanyń taspen/taıaqpen dúreleý túrinen bastap, túrmege qamaý jáne ólim jazasyna kesý de qarastyrylǵan», - delingen habarlamada.
Aıta keterligi, 2012 jyly Brýneı-Darýssalam memleketi musylmandar saıahattaıtyn úzdik elder reıtınginde ondyqqa kirgen bolatyn. Jyl saıyn bul memleketke álemniń barlyq elderinen, onyń ishinde Qazaqstannan da 150 myńǵa jýyq týrıst saıahattaıdy.
«QR Indýstrııa jáne jańa tehnologııalar mınıstrliginiń Týrızm ındýstrııasy komıteti Brýneı-Darýssalam týrlaryn uıymdastyratyn týroperatorlar men týragenttikterge sultanatqa barmaq nıettegi týrısterge osy elde engizilgen normalar jaıynda aldyn ala eskertýge keńes beredi», - dep habarlady vedomstvodan.
