Qazaqstandyq týrıster jylyna 400 mln. dollardy shetelderge qaldyryp jatyr
ASTANA. QazAqparat - Qazaqstandyq týrıster jylyna 400 mln. dollardy shetelderge qaldyryp jatyr. Búgin Májiliste elimizdegi týrızm salasyn damytý perspektıvalary jaıynda ótip jatqan Úkimet saǵatynda Indýstrııa jáne jańa tehnologııalar vıtse mınıstri Nurlan Saýranbaev osylaı málimdedi.
Toqtala ketetin jaıt, Úkimet saǵaty barysynda depýtat Gúlmıra Isimbaeva elimizdegi týrızm qyzmetiniń sapasy men baǵasyna qatysty másele kóterip, suraq qoıǵan bolatyn. «Shyndyǵynda, qazaqstandyq týrısterdiń basym bóligi syrtqa shyǵyp otyr, «úıimizde» qabyldaý kórsetkishin arttyratyn deńgeıge jetken emespiz. Buǵan memlekettik te, jergilikti oryndarda da tıisti qarajat qamtylmaı otyr. Jalpy, alǵanda Qazaqstannyń týrıstik salasyndaǵy teris saldo 400 mln. dollardy quraıdy. ıAǵnı, syrtqa shyǵyp jatqan týrısterimiz osynsha qarajatty shetke qaldyryp jatyr», - deıdi vıtse mınıstr.
Onyń aıtýynsha, elimizdegi týrıstik qyzmettiń baǵasyna birqatar faktorlar áser etip otyr. «Máselen, týrızm úshin kásipkerler qonaq úı salǵysy kelse, ol úshin satyp alatyn jerdiń quny ájeptáýir. Sosyn, oǵan tartylatyn ınfraqurylymnyń da basqa da kúrdeli shyǵyndar zor. Ekinshiden, bizde týrıstik nysandardyń basym bóligi jazda, demalys maýsymynda ǵana jumys istep keledi. Jazda ǵana istegen soń, ol demalys oryndary kúz ben qystaǵy shyǵyndaryn sol arqyly japqysy keledi», - dep jaýap berdi N. Saýranbaev.
