Qazaqstandyq týrıster Shardjadan Almatyǵa ushyp shyqty
ASTANA. QazAqparat - Astana ýaqyty boıynsha 23:12-de qazaqstandyq týrıster SKAT avıakompanııasy ushaǵymen Shardja áýejaıynan Almaty qalasyna ushyp shyqty. Bul týraly QR IDM Týrızm ındýstrııasy departamentiniń basshysy Marat Iǵalı óziniń Feısbýktaǵy paraqshasynda habarlady.
Buǵan deıin QR Investıtsııalar jáne damý mınıstriniń keńesshisi Táńirbergen Berdiońǵarov áleýmettik jelilerde Shardjada bógelip qalǵan qazaqstandyq týrısterdiń jaǵdaıy týraly túsinik bergen edi.
«Qoıý tuman, qubylmaly aýa raıy eki-úsh kúnnen beri saqtalyp tur. Aýa raıyna baılanysty reıster birinen soń biri shegerilip jatyr. Sonyń saldarynan áýejaıda adamdar kóptep bógelip jatyr. Bul narazylyq legin týdyryp otyr. Sheshilgen máselelerdiń qatarynda Skat áýekompanııasymen sonda qalǵan jolaýshylardyń bárin elge jetkizýge kelisim jasasqanymyzdy aıtýǵa bolady. Sol eldiń týrızm salasyna jaýapty mınıstriniń arqasynda, 200 adamdyq ushaq qazirgi sátte Shardja áýejaıynda tur. Ol aýa raıy jaqsarǵanyn kútip tur», - degen bolatyn ol.
