Qazaqstandyq týrıster qaı elderge jıi saıahattaıdy
NUR-SULTAN. QazAqparat - Jyl ótken saıyn syrt elge saıahattap baratyn qazaqstandyqtardyń sany artyp keledi. QazAqparat QR syrtqy ister mınıstrligine silteme jasaı otyryp, otandastarymyz jıi saparlaıtyn 9 eldiń tizimin usynady.
Baýyrlas Túrkııa memleketin qazaqstandyq týrıster eń qolaıly ári tıimdi memleket dep sanasa kerek. Aldyńǵy úshtikte Túrkııadan keıin Qytaı men Birikken Arab Ámirlikteri tur.
Germanııa, Taıland jáne Mysyr elderi 4,5,6-oryndarǵa jaıǵassa, tizimniń sońyn Reseı, Qyrǵyzstan jáne Chehııa túıindegen.
Buǵan deıin QR syrtqy ister mınıstrligi shetelge shyǵýdy josparlap júrgen azamattarǵa minez-qulyq normalary men kedendik baqylaýdan ótý erejelerin usynǵan bolatyn.
